مستحيل انسااك..رووعهه

ياوليف الروح قلبي ما نساك
مستحيل انساك يالطرف الكحيل

يمكن انسى كل شي الا غـلاك
لا نسيته ضاع فكري والدليل

انت مثل الما بعين اللي ضماك
ضامي وعينه بعذب السلسبيل

وانت مثل الشهد جاعك واغتذاك
قلبي اللي ما رضى غيرك بديل

وانت قمه ربي اعلى مستواك
بالشرف والعز والخلق النبيل

بالحلا ما فيه مثلك في حلاك
انت فوق الوصف مهما فيك قيل

صورك ربي على هيئة مـلاك
يا خشوف ٍ بالحسن ماله مثيل

الهوى لاهب نوده واقتواك
انثنى غصنك مع الغربي يميل

وابتسم ورد الخزامه من رباك
وانتشى صدر السما برق ومخيل

من ضياك الشمس تشرق من ضياك
واستعار البدر من ضوك قليل

وحدي الموعود في لحظة صفاك
لين نورك غاب مااشفيت الغليل

ارتشفت العشق من خمرة شفاك
وانتهيت بعالم احزاني عليل

رغم عثرات الاماني في خطاك
وانتحار الحلم و الجرح الجميل

ما خمد جرحي ولا دمّه عفاك
كل ما تطري له الذكرى يسيل

واصعب الاوقات في ذكرى هواك
انحدار الدمع ساعات الاصيل

بالخفوق اجياد خيلن في فلاك
غايره بالشوق يسبقها الصهيل

والفكر طيرن يحلق في فضاك
هايمن ماطاب ليله والمقيل

ماسواك اشقى خفوقي ماسواك
فضّلك من بد خلق الله خليل

باع كل الناس لجلك واشتراك
وانت تدرى بالعطا ماهو بخيل

كم ضناه الشوق في رجوى لقاك
والأماني شمعة الليل الطويل

كم هزم جنح الليالي في رضاك
كم على شانك تحدى المستحيل

سايق ن روحه على كف الهلاك
والخطر حده كما حد الصقيل

وش تكون الروح لو راحت فداك
فدوة الرمشين والخد الاسيل

اهـ من حظ ن تعثر بي معاك
كل ما عدلت ميلاته. يميل

بعدما عانق سنا برقي سماك
انقطع حبل المواصل بالرحيل



بقلمي



.

السلام عليكم ورحمة الله وبركاته

الله يعيطيك الف عافية

تسلمي ولا تحرمينا من جديدك
ودي